МУЧЕНИЦЫ ЕВДОКИЯ ШЕЙКОВА ,ДАРИЯ УЛЫБКИНА,ДАРИЯ ТИМАГИНА,МАРИЯ НЕИЗВЕСТНАЯ.

МУЧЕНИЦЫ ЕВДОКИЯ ШЕЙКОВА ,ДАРИЯ УЛЫБКИНА,ДАРИЯ ТИМАГИНА,МАРИЯ НЕИЗВЕСТНАЯ.

Избранные угодницы и стратотерпицы Христовы, мира сего безумие обличившие и благодатные дары источающии, восхваляем вас любовию: вы же имеющии на врага победу, от бед и напастей свободите нас, да зовем вам: Радуйтеся, мученицы Евдокие, Дарие, Дарие и Марие, молитвенницы к Богу усердныя.


Источник: https://azbyka.ru/days/sv-evdokija-shejk…
Источник: https://azbyka.ru/days/sv-darija-timagin…
Источник: https://azbyka.ru/days/sv-darija-ulybina
Источник: https://azbyka.ru/days/sv-marija-neizves…

Мученицам Евдокии Шейковой, Дарье Улыбиной, Дарье Тимагиной и Марие Неизвестной

Тропарь, глас 4

Ца́рствия ра́ди Небе́снаго/ мир и вся я́же в ми́ре оста́вили есте́,/ тесноту́ соверше́ннаго послуша́ния возлюби́вша,/ ди́вныя подви́жницы и Христа́ ра́ди му́ченицы/ в годи́ну лю́тых испыта́ний в земли́ Нижегоро́дстей процве́тшия,/ блаже́нныя ма́тери на́ша Евдоки́е, Да́рие, Да́рие и Мари́е,// моли́теся о спасе́нии душ на́ших.

Кондак, глас 6

Житие́м пра́ведным/ к досто́йному прия́тию му́ченичества себе́ угото́виша,/ тридне́вная избие́ния и смерть претерпе́ли есте́,/ неве́сты Христо́вы преди́вныя,/ блаже́нныя Евдоки́е, Да́рие, ина́я Да́рие и Мари́е./ Ны́не, мно́гими чудесы́ и исцеле́нии просия́вша,/ моли́теся приле́жно,// да спасе́т Госпо́дь ду́ши на́ша.

Величание

Велича́ем вас,/ святы́я му́ченицы Евдоки́е, Да́рие, Да́рие и Мари́е,/ и чтим честна́я страда́ния ва́ша,/ я́же за Христа́// претерпе́ли есте́.